27. februar 2015

FIN FREDAG

I dag har eg prøvd å komme meg i mål på nokre illustrasjonar eg skulle ha gjort for ei lita stund sida. Eg har derfor sutte på stuebordet og teikna, sidan der er litt betre plass enn på kontoret. Det ser ut som det ligg an for litt helgejobbing, men det er uansett fredag! Eg har allereie ete fire twist (og to sjokoladebitar på kafe i lunsjen) og er superklar for helga : )

#fredagsfølelsen



God helg! 


26. februar 2015

WHAT WOULD MCGYVER DO?


Eg er ein av dei som har vekst opp med McGyver på TVn. I byrjinga då serien rulla på skjermen, gjekk den på laurdagskvelden, og heimelaga pizza og McGyver (eller Møkka-Iver som far min døypte han, ikkje for å mobbe men berre for å vere morosam sjølvsagt) var liksom ein tradisjon i eit par år. Tenk å kome seg ut av alle kniper med litt gaffatape og ein swiss armyknife.. ?Nei, den mannen der altså! 

Så i går spurte eg meg den berømte frasa, ”What would McGyver do?” då eg sto der og lurte på korleis eg skulle få hjorteskallen sambuaren min har tatt med seg heim opp på veggen. Eg vart vel kanskje litt uvel då eg sto og stirra inni baksida av kraniet og såg spora etter der hjerna hadde vore (nei, eg er ikkje noko biologmateriale) og tenkte at om eg berre hadde hatt ein pitteliten borr kunne eg bora inni beinet og satt inn to skruar og festa ein stålvaier i disse.  Men utålmodig som eg er, så måtte jo dette ordnast NUH! Eg hadde ikkje tid til å kjøpe noko borr. Så eg tok den lette utvegen, slik som McGyver sikkert ville ha gjort det, om han måtte henge opp ein hjorteskalle for å kome seg ut av ei knipe. Men i staden for gaffatape så klæsja eg på litt monteringslim rundt en stålbit eg klipte av frå ein gamal lampeskjerm. Håper det held i lengda : )







25. februar 2015

TA-DA!!


Då har peisen blitt svart og sotfri. Eg gjekk for den mattasta målinga, og vart veldig fornøgd med resultatet. Eg måla også listene for å få det så saumlaust som mogleg. Peisen vart ikkje lenger ein del av veggen, men meir som eit møbel, og fungerer fint som ein sonedelar. No gjenstår det berre å finne noko kult å henge opp på bakveggen til peisen, som også vart svart. Den gamle skuleplansjen med matfiskar treng selskap. 





23. februar 2015

ENDA MEIRE FJAS

Då har eg brukt store delar av kvelden til å vaske peisen rein for sot før den skal malast. Kjempekjekt!
Rita derimot, ho bakar muffins.

: )