BLACK ON BLACK

Malte det gamle skeive teakskapet i ein svart farge frå Jotun Lady. (Dempet sort) Tok den mattasta overflata slik den skulle passe til baksida av peisen som vart mala svart tidlegare i år. Ganske fornøgd med resultatet. I allefall når ein tenker over at prisen på skapet var 30 kroner..

Prøvar også å finne fine stadar å henge opp bileter på, men blir aldri einig med meg sjølv.

Hurra for fredagen! :) Har du lyst å sjekke ut nettbutikken min, finn du link HER:

SHADES OF G R E E N

Då eg var lita samla eg på mykje rart. Dei største og finaste samlingane (etter min målestokk iallfall) var samlinga av serviettar, viskeler og såpestykke. Eg samla også på sjølvhuggen stein (ikkje dei mest kostbare artane) knappar, glansbilde og klinkekuler. Alle eg kjente samla på ting, og vi brukte lang tid på å gå igjennom det vi hadde, og bytte til oss noko vi mangla. Det er godt mulig det ligg igjen i oss frå då vi budde i huler og måtte ut å sanke og samle det vi trengte for å overleve som triggar dette behovet for å samle og sortere.

Då eg vart eldre gjekk det over til å bli møblar, koppar, vasar, figurar, tekanner og lampar eg kika etter når eg var ute på tokt. Eg har alltid elska loppemarked og bruktbutikkar, og ein og anna gong kjem ein over eit riktig bra kupp. Det meste eg eig av møblar og glas/porselen har eg funne på skattejakt. Somme jaktar hjortar, medan eg jaktar Figgjo porselen og Ittala lysestakar. Det som er viktig når ein sett i gang med ei samling er å ikkje ta heilt av. Ein vil vel hest ikkje hamne som eit innslag på Norge Rundt som ”Dama som hadde tusen porselensugler og ikkje plass til noko anna.” Det er lurt å ikkje la samlingane bli rotete, men ha eit system (i galskapen). Eg er også glad i samlingar som faktisk kan brukast til noko, som for eksempel skåler, porselen og vaser. 

I helga fant plutselig (nesten) alle dei grøne tinga mine i glas kvarandre på den lille retrokommoden min. Litt før jul, kjøpte eg meg eit bilde av Laura O´Connor frå Soceity6 som vart ekstra kult saman med andre grøne ting. Og det som er så fint med samlingar, er at om ein blir lei, er det berre å flytte rundt å lage nye stilleben som kan forandre eit heilt rom på ein augeblink.

  

KJØKKENINSPIRASJON

Det aller vanskelegaste med å pusse opp kjøkkenet, var å bestemme seg for kva type ein skulle velje. Det var visst verre å velje til seg sjølv, enn å skulle velje for andre, og det er jo så mykje fint der ute. 

Det var viktig å få eit moderne og stilreint preg på kjøkkenet. Og ikkje minst, arealeffektivt og funksjonelt. 

Vi er veldig glad i å lage mat, så det var viktig at fleire kunne vere på kjøkkenet samtidig uten at det vart kaos. Eg tenkte mykje på historia til leiligheta, det er ei gammal jugendleilghet, og det ville vere fint å inkorporere litt av dette sjølv om eg ville ha det så moderne som mogleg. 

Eg endte opp med eit kvitt Mano kjøkken frå Kvik. Eg er veldig glad i benkedjupne på 80 cm! Benkeplater vart i kvit kompositt. Slik ville kjøkkenet stå i fin kontrast til den gamle kjøkkenbjelken. Eg valde Folded flis frå Mutina på veggen ved koketopp og vask. (Mi favorittflis) Eg lurte lenge på å gå for ei nesten svart flis på denne veggen, men eg vart såpass forelska i Folded at eg berre måtte ha den. (Den kjem kun i kremkvit farge) Heldigvis gjekk den overeins med ei heilt kvit benkeplate. Eg endte opp med ein liten benk foran vinduet. Bjelken gjekk nemlig såpass langt ned i hjørnet at all skapplass her gjekk vekk. Om ein valgte eit hjørneskap ville ein stele for mykje areal foran verandadøra, sida då ein burde gå forbi vindusbreidden. Ein benk gav oppbevaring under sitteplassen, og samtidig moglegheita til å kunne sitte å drikke kaffi og kike ut av vindauget som vender mot bakgården. 

Her er ein liten inspirasjonskollasje. (Bileta har eg henta frå Pinterest)